 |
| تاشيرة الامارات السياحية |
لو مسافر الامارات تدور على عمل يبقى لازم تعمل حسابك فى مجموعة من الاوراق الخاصة بك تكون جاهزة معاك وانت مسافر
صورة واضحة ملونة من جواز السفر و صورة شخصية ملونة واضحة بخلفية بيضاء مثل صورة جواز السفر
شهادة التخرج معتمدة وموثقة, طب ازاى توثقها؟
بتجيب شهادة التخرج الأصلية مش الشهادة المؤقتة وكمان شهادة بيان الدرجات واللى ممكن تكون بتوضح المواد الدراسية المطلوية للعمل و تعتمد من أمين الكلية و أمين عام الجامعة، وتختم بشعار الجامعة
وبعدين تروح لمكتب التصديقات في وزارة الخارجية المصرية علشان تجيب تصديق المكتب على الشهادات، وتتاكد من وجود ختم وزارة الخارجية المصرية على جميع الأوراق
وبعدين تروح على مكتب الملحقية الثقافية الإماراتية والموجود ب 96 ش العلمين متفرع من شارع احمد عرابي، مدينة الطلبة، المهندسين بالجيزة وتقدم هناك ورقك للتصديق و غالبا بتستغرق 24 ساعة وتاخد الشهادات مختومة باختام الملحقية الثقافية
وبعد كده تروح مقر السفارة الإماراتية في القاهرة والكائن مقره في القطعه 77 شارع التسعين الجنوبي بجوار البنك الاهلي المصري التجمع الخامس لتحصل على الختم على الشهادات وبكده تكون موثقه وجاهزة معاك
لو عاوز وثيقة الزواج وشهادات ميلاد اولادك تكون موثقة بردو يبقى تعمل كالتالى
تحصل على تصديق من النيابة التابع لها المأذون واللى مضى على وثيقة الجواز الاول ومقر النيابة بيكون فى محكمة الاسرة التابعه للمحافظة بتاعتك وبعد كدة تصديق وزارة العدل من مكتب تصديقات الزواج بوزارة العدل وتاخد الورق ده معاك وانت رايح للسفارة, انما شهادات الميلاد للاولاد بتحصل على تصديق مكتب السجل المدنى التابع له طفلك او من الادارة الرئيسية للسجل اللى فى العباسية وتاخدهم معاك لمكتب التصديقات بوزارة الخارجية المصرية ثم الى السفارة الاماراتية
صور جوازات الزوجة والأطفال واضحة والاطفال
صور شخصية واضحة و ملونة للزوجة والأطفال بخلفية بيضاء
وما التوفيق الا من عند الله
شير البوست ده علشان غيرك يستفييد
#فيزا_دبي_للمصريين
#تاشيرة_الامارات_من_مصر
ليست هناك تعليقات:
إرسال تعليق